NOTA DE PRENSA

30 de decembro de 2024

O club deportivo ADM celebra o seu primeiro torneo de baloncesto inclusivo 3x3.

Este sábado 28 de decembro, o Club Deportivo ADM organizou un emocionante torneo inclusivo de baloncesto 3x3, un evento que se converteu nun exemplo de deporte, diversidade e comunidade. Co apoio do Concello de Ferrol a través dun convenio, o evento reuniu a persoas de todas as idades e capacidades, destacando os valores da inclusión, o compañeirismo e a paixón polo deporte.

O torneo, celebrado no Pavillón do Ensanche de Ferrol, contou con equipos mixtos formados por persoas con e sen discapacidade, demostrando que o deporte pode ser unha ferramenta poderosa para romper barreiras e tender pontes entre diferentes realidades. Os xogadores pertencían a diferentes organizacións sociais e clubs deportivos da comunidade autónoma de Galicia.

O Club Deportivo ADM leva anos traballando para promover o deporte entre as persoas con e sen discapacidade, coa convicción de que o deporte é un dereito e unha ferramenta para transformar a sociedade.

Participaron seis equipos mixtos, con xogadores de Lugo, Ferrol e arredores... un éxito de participación nesta primeira edición.